Bruno Fernandes ចុះកុងត្រាថ្មីជាមួយ Man Utd ដល់ឆ្នាំ២០២៧

Premier League
March 31st, 2022 (3 years)
640 Views
Share

Bruno Fernandes ដែលរកបាន២គ្រាប់ទល់នឹងក្រុមជម្រើសជាតិម៉ាសេដូនី ដើម្បីយោងក្រុមជម្រើសជាតិព័រទុយហ្គាល់ឡើងទៅលេង World Cup ២០២២ នៅកាតា ត្រូវបានរាយការណ៍ថា នឹងចុះហត្ថលេខាលើកុងត្រាថ្មីជាមួយក្លិប Manchester United ដែលអនុញ្ញាតឱ្យគេស្នាក់នៅរហូតដល់ឆ្នាំ២០២៧។

យោងតាមអ្នកកាសែតដែលអាចទុកចិត្តបាន Fabrizio Romano កីឡាកររបស់ក្លិប Manchester United នឹងចុះហត្ថលេខាលើកិច្ចសន្យាថ្មីរបស់គាត់ នៅពេលដែលគាត់ត្រលប់ទៅប្រទេសអង់គ្លេសវិញ។ Romano អះអាងថាការប្រកាសជាផ្លូវការថា កិច្ចសន្យានេះនឹងត្រូវបានធ្វើឡើងនៅប៉ុន្មានថ្ងៃខាងមុខនេះ។

Fernandes នៅសល់កុងត្រា ៣ឆ្នាំទៀតលើកិច្ចសន្យាបច្ចុប្បន្នជាមួយ Man Utd។ គេជាកីឡាករដែលបានក្លាយជាតួអង្គសំខាន់ក្រោមការដឹកនាំរបស់អតីតអ្នកចាត់ការ លោក Ole Gunnar Solskjaer បន្ទាប់ពី Bruno Fernandes បានចូលរួមពីក្លិប Sporting Lisbon កាលពីខែមករា ឆ្នាំ២០២០។

កីឡាករអន្តរជាតិព័រទុយហ្គាល់រូបនេះ នឹងទទួលការដំឡើងប្រាក់ឈ្នួលប្រចាំសប្តាហ៍ កើនឡើងដល់ ២៤ម៉ឺនផោនក្នុងមួយសប្តាហ៍។

កុំភ្លេចរង់ចាំទស្សនាការប្រកួតនៃក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង