អ្នកគាំទ្រ Man Utd និង Liverpool រិះគន់តម្លៃសំបុត្រប្រកួតរបស់ក្រុមទាំងពីរ នៅប្រទេសថៃ

Premier League
April 4th, 2022 (3 years)
1845 Views
Share

ថៃ៖ ភាពចម្រូងចម្រាស បានផ្ទុះឡើងជុំវិញតម្លៃសំបុត្រ ដើម្បីចូលទស្សនាការប្រកួតរវាងក្រុម Manchester United និង Liverpool ក្នុងទីក្រុងបាងកក នាខែកក្កដាខាងមុខ។

សារព័ត៌មានថៃ The Nations បានរាយការណ៍ថា សំបុត្រសម្រាប់ការប្រកួត Pre-season ថ្ងៃទី១២ ខែកក្កដា នៅកីឡដ្ឋាន Rajamangala មានតម្លៃពី ៥.០០០ (១៥០ដុល្លារអាមេរិក) បាតទៅ ២៥.០០០ បាត ខ្ពស់ជាងតម្លៃសំបុត្រសម្រាប់ការប្រកួតវគ្គផ្តាច់ព្រ័ត្រ UEFA Champions League កាលពីឆ្នាំមុនទៅទៀត ដែលគិតជាលុយបាត គឺ ២.៦០០-២២.២០០បាត។

សំបុត្រត្រូវបានលក់ជា ៧ប្រភេទ។ កៅអីភាគច្រើនស្ថិតនៅក្នុងក្រុម ដែលមានតម្លៃ ២០.០០០បាត។

អ្នកគាំទ្រថៃមួយចំនួន បានត្អូញត្អែរថា ពួកគេមិនអាចទទួលយកបានទេ។ នៅថ្ងៃចន្ទ ទី៤ ខែមេសានេះ កៅអី នៅសល់តែផ្នែកដែលថ្លៃ ប៉ុន្តែតម្លៃទាបបំផុត បានលក់អស់ហើយ។

ក្រុមយក្ស Premier League ទាំងពីរ នឹងទៅលេងនៅទីក្រុងបាងកក ខណៈ Manchester United ទំនងជាតែងតាំងអ្នកចាត់ការថ្មី។ មិនមានការបញ្ជាក់ថា កីឡាករណាខ្លះ នឹងចូលរួមនោះទេ ប៉ុន្តែអ្នករៀបចំ បានបញ្ជាក់ថាក្លិបទាំងពីរនឹងដាក់កីឡាករជម្រើសដំបូងរបស់ខ្លួន។

កុំភ្លេចរង់ចាំទស្សនាការប្រកួតនៃក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង