Mbappe ដាក់គោលដៅបំបែកកំណត់ត្រាស៊ុតបញ្ចូលទីរបស់អតីតវីរបុរសក្រុមបារាំង Michel Platini

បាល់ទាត់
March 27th, 2023 (1 year)
489 Views
Share

Kylian Mbappe បាននិយាយថា ខ្លួននឹងបំបែកកំណត់ត្រាស៊ុតបញ្ចូលទីរបស់ Michel Platini មុនពេលក្រុមបារាំង ប្រកួតជាមួយ សាធារណរដ្ឋអៀរឡង់ក្នុងវគ្គជម្រុះ Euro 2024 ដែលនឹងមានផ្សាយបន្តផ្ទាល់នៅលើកញ្ចក់ទូរទស្សន៍ CTN និង Page “CBS Sports” ចាប់ពីម៉ោង១:៣៥នាទីរំលងអធ្រាត្រយប់នេះ។

តារាបាល់ទាត់វ័យ ២៤ឆ្នាំរូបនេះ នឹងធ្វើជាប្រធានក្រុមបារាំង នៅក្នុងការប្រកួតនាទីក្រុង Dublin ។ រូបគេបានស៊ុតបញ្ចូលទីបានពីរគ្រាប់ក្នុងការយកឈ្នះហូឡង់ ដោយលទ្ធផល ៤-០ កាលពីថ្ងៃសៅរ៍។

ឥឡូវនេះ Mbappe បានស៊ុតបញ្ចូលទីបាន ៣៨ គ្រាប់ តិចជាងលោក Platini តែ៣គ្រាប់ប៉ុណ្ណោះ។ ប៉ុន្តែនៅតែតិចជាងកំណត់ត្រារបស់ Olivier Giroud ដែលរកបាន ៥៣ គ្រាប់សម្រាប់ក្រុមមាន់គកបារាំង។

Mbappe បានប្រាប់នៅក្នុងសន្និសីទសារព័ត៌មានមុនការប្រកួតថា៖ “សម្រាប់ខ្ញុំ វាជាកិត្តិយសដែលបានស្ថិតក្នុងដំណាក់កាលនេះ។ នោះជាគោលដៅបន្ទាប់របស់ខ្ញុំ ហើយខ្ញុំនឹងបន្តទៅមុខ វាប្រហែលជាថ្ងៃស្អែក ឬនៅប្រកួតក្រោយៗ។ ជាក់ស្តែង Michel Platini គឺជាវីរបុរសរបស់បារាំង ប៉ុន្តែខ្ញុំនឹងឆ្លងកាត់ចំណុចនោះនៅពេលណាមួយ”៕

អត្ថបទទាក់ទង

Mbappe ដាក់គោលដៅបំបែកកំណត់ត្រាស៊ុតបញ្ចូលទីរបស់អតីតវីរបុរសក្រុមបារាំង Michel Platini

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស