ខ្សែការពារ Cesar Azpilicueta ចាកចេញពី Chelsea ទៅចូលរួម Atletico Madrid

Premier League
July 7th, 2023 (2 years)
619 Views
Share

យោងតាមរបាយការណ៍ចុងក្រោយមួយ បានបង្ហាញឱ្យដឹងថា ខ្សែការពារ Cesar Azpilicueta បានចាកចេញពីក្លិប Chelsea បន្ទាប់ពីចាយពេលលេងជាងមួយទសវត្សរ៍ជាមួយក្លិបអង់គ្លេស ជាមួយនឹងការផ្ទេរទៅកាន់ក្លិប Atletico Madrid លើការផ្ទេរដោយគ្មានតម្លៃខ្លួន។

ជាក់ស្តែង ប្រធានក្រុមតោខៀវរូបនេះបានចាកចេញពីកីឡដ្ឋាន Stamford Bridge បន្ទាប់ពីបង្ហាញខ្លួន៥០៨ប្រកួត និងបានឈ្នះពានរង្វាន់ជាច្រើនដូចជា Premier League ចំនួន ២ដង ពាន Champions League ពានរង្វាន់ Europa League , FA Cup និង League Cup ។

តាមពិតទៅ កីឡាករសញ្ជាតិអេស្ប៉ាញ នៅសល់កុងត្រារយៈពេលមួយឆ្នាំទៀត នៅ Chelsea ។ យ៉ាងណាក៏ដោយ ក្លិបបានសម្រេចចិត្តមិនរារាំងផ្លូវរបស់គេនោះឡើយ ដោយអនុញ្ញាតឱ្យស្វែងរកក្លិបថ្មី និងចាកចេញដោយសេរី ហើយចុងក្រោយគេបានសម្រេចជ្រើសរើសទៅចូលរួម Atletico Madrid ។

សូមបញ្ជាក់ដែរថា Azpilicueta បានក្លាយជាកីឡាកររបស់ក្រុមនៅក្នុងក្របខណ្ឌ La Liga សាជាថ្មី ចាប់តាំងពីឆ្នាំ ២០១០ មក នៅពេលដែលគេបានសម្រេចចិត្តចាកចេញពីក្លិប Osasuna ហើយផ្ទេរទៅចូលរួមជាមួយក្រុម Marseille ៕

#អត្ថបទទាក់ទង
#Chelsea
#Premier League

អត្ថបទទាក់ទង