Spurs ផ្លោះទៅលេខ៥ រុញ Man Utd ធ្លាក់មកលេខ៦ក្នុងតារាង EPL ក្រោយជ័យជម្នះយប់មិញ

Premier League
March 22nd, 2022 (3 years)
490 Views
Share

ក្រុម Tottenham Hotspur នៅសល់តែ ៣ពិន្ទុទៀត ដើម្បីប្រជែងតំណែងក្រុមកំពូលទាំង៤ របស់ Premier League បន្ទាប់ពីយកឈ្នះ West Ham ក្នុងលទ្ធផល ៣-១ កាលពីយប់មិញ។ Son Heung-min និង Harry Kane បានរួមចំណែកក្នុងការស៊ុតបញ្ចូលទីទាំង៣គ្រាប់របស់ Spurs ។

Spurs បានចាប់ផ្តើមការប្រកួតយ៉ាងល្អ ដោយបាននាំមុខមុននៅនាទីទី៩ នៅពេលដែលខ្សែការពារ Kurt Zouma របស់ West Ham បានធ្វើឱ្យបាល់បោះរបស់ Kane ចូលទៅក្នុងសំណាញ់ទីខ្លួនឯង។ Son រកបានពីរគ្រាប់នាំមុខឱ្យ Spurs បន្ទាប់ពី ២៤នាទី។ Said Benrahma បានរកមួយគ្រាប់មកវិញសម្រាប់ West Ham ពីបាល់ជ្រុងនៅនាទី៣៥។ នៅទីបំផុត Son បានបន្ថែមគ្រាប់បាល់ទី៣ សម្រាប់ក្រុមម្ចាស់ផ្ទះ នៅនាទីទី៨៨ ដោយរក្សាលទ្ធផល ៣-១ ដល់ចប់ការប្រកួត។

បច្ចុប្បន្ន Spurs មានគម្លាតតែ ៣ពិន្ទុតាមពីក្រោយក្រុមលេខ៤ Arsenal ដែលមានមួយប្រកួតក្នុងដៃ។ West Ham ធ្លាក់មកលេខ ៧ មាន ២ពិន្ទុក្រោម Manchester United ដែលបានធ្លាក់មកលេខ៦ តាមពីក្រោយ Spurs វិញ ១ពិន្ទុ។

កុំភ្លេចរង់ចាំទស្សនាការប្រកួតនៃក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

#អត្ថបទទាក់ទង
#Premier League

អត្ថបទទាក់ទង