លោក Ole នឹងបន្តដឹកនាំ Manchester United ទៅកាន់ Watford ក្រោយម្ចាស់ក្លិបប្រកាន់ជំហដដែល

Premier League
November 8th, 2021 (3 years)
2567 Views
Share

លោក Ole Gunnar Solskjaer នឹងមកដឹកនាំក្រុមបិសាចក្រហម Manchester United សម្រាប់ការប្រកួតបន្ទាប់ ទល់នឹង Watford បន្ទាប់ពីការសម្រាកអន្តរជាតិ ដោយក្លិបនៅថ្ងៃអាទិត្យ មិនបានផ្លាស់ប្តូរជំហរបស់ខ្លួន បើទោះបីជាចាញ់ក្រុមមេឃខៀវ Manchester City ដោយលទ្ធផល ២-០ ក៏ដោយ។

ការចាញ់នៅទឹកដី Old Trafford ទល់នឹងក្រុមម្ចាស់ជើងឯក Premier League កាលពីថ្ងៃសៅរ៍ បានកើតឡើង ក្រោយពីការបរាជ័យយ៉ាងអាម៉ាសក្រោមថ្វីជើងក្រុម Liverpool ដោយលទ្ធផល ៥-០ ក្នុងការប្រកួតមុនដែលធ្វើឡើងនៅក្នុងផ្ទះរបស់ក្រុមបិសាចក្រហម។

សារព័ត៌មានល្បី Guardian បានអះអាងថា មិនមានការចង្អុលបង្ហាញណាមួយពីលោក Joel Glazer ដែលជាសហប្រធានដែលគ្រប់គ្រងក្លិបនោះទេ ថា ក្លិបនឹងដកលោក Ole ចេញពីតំណែងនោះឡើយ ប៉ុន្មានម៉ោងក្រោយការប្រកួតនោះ។

បន្ទាប់ពីការឈ្នះរបស់ Man City លោក Solskjaer បាននិយាយថា កូនក្រុមរបស់លោក នឹងប្រតិកម្មដូចជា “សត្វកំពុងរងរបួស” នៅទឹកដីរបស់ Watford នៅថ្ងៃទី២០ ខែវិច្ឆិកា។ អ្នកចាត់ការ វ័យ៤៨ឆ្នាំរូបនេះ នឹងបន្តធ្វើដំណើរជាមួយពួកគេទៅកាន់កីឡដ្ឋាន Vicarage Road ។

ជ័យជម្នះលើក្រុម Tottenham Hotspur កាលពីថ្ងៃសៅរ៍ សប្តាហ៍មុន គឺជាជ័យជម្នះតែមួយគត់របស់ Man Utd ក្នុងក្របខណ្ឌ Premier League ក្នុងរយៈពេល ៥ សប្តាហ៍ ហើយពួកគេធ្លាក់ទៅចំណាត់ថ្នាក់លេខ៦ តាមពីក្រោយក្រុមកំពូលតារាង Chelsea ចំនួន ៩ពិន្ទុ។

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០។

សូមជម្រាបជូនថា កម្មវិធី CBS Fanzone ចាក់ផ្សាយរៀងរាល់ថ្ងៃព្រហស្បតិ៍ ម៉ោង ២១:០០ – ២២:០០ នៅលើកញ្ចក់ទូរទស្សន៍ MyTV និងមានចាក់ផ្សាយឡើងវិញនៅលើកញ្ចក់ទូរទស្សន៍ CTN រៀងរាល់ថ្ងៃសៅរ៍ ម៉ោង ២១:០០ – ២២:០០។

កុំភ្លេចណា ទស្សនាការប្រកួតដ៏ជក់ចិត្តបណ្តើរ ឆាតលេងកម្សាន្តបណ្តើរ ប៉ុន្តែកុំភ្លេចដាក់រូបភាពរបស់លោកអ្នកនៅតេឡេក្រាមផង ពេលនោះលោកអ្នកនឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង